Chaucer's Translation of Boethius's "De Consolatione Philosophiae" · Boethius
III. THE CHAIN OF LOVE.
The firste moevere of the cause above, Whan he first made the fayre cheyne of love, Gret was theffect, and heigh was his entente; Wel wist he why, and what therof he mente; _For with that faire cheyne of love he bond The fyr, the watir, the eyr, and eek the lond In certeyn boundes, that they may not flee._ (_Knightes Tale_, p. 92.) That þe world with stable feith / varieth acordable chaungynges // þat the contraryos qualite of elementȝ holden amonge hem self aliaunce perdurable / þat phebus the sonne with his goldene chariet / bryngeth forth the rosene day / þat the mone hath commaundement ouer the nyhtes // whiche nyhtes hesperus the eue sterre hat[h] browt // þat þe se gredy to flowen constreyneth with a certeyn ende hise floodes / so þat it is nat l[e]ueful to strechche hise brode termes or bowndes vp-on the erthes // þat is to seyn to couere alle the erthe // Al this a-cordaunce of thinges is bownden with looue / þat gouerneth erthe and see / and [he] hath also commaundementȝ to the heuenes / and yif this looue slakede the brydelis / alle thinges þat now louen hem to-gederes / wolden maken a batayle contynuely and stryuen to fordoon the fasoun of this worlde / the which they now leden in acordable feith by fayre moeuynges // this looue halt to-gideres poeples / ioygned with an hooly bond / and knytteth sacrement of maryages of chaste looues // And loue enditeth lawes to trewe felawes // O weleful weere mankynde / yif thilke loue þat gouerneth heuene gouerned yowre corages /.
(_Chaucer’s Boethius_, bk. ii. met. 8.) Quod mundus stabili fide Concordes variat vices, Quod pugnantia semina Fœdus perpetuum tenent, Quod Phœbus roseum diem Curru provehit aureo, Ut quas duxerit Hesperus Phœbe noctibus imperet, Ut fluctus avidum mare Certo fine coerceat, Ne terris liceat vagis Latos tundere terminos; _Hanc rerum seriem ligat, Terras ac pelagus regens, Et cœlo imperitans amor._ Hic si fræna remiserit, Quicquid nunc amat invicem, Bellum continuo geret: Et quam nunc socia fide Pulcris motibus incitant, Certent solvere machinam. Hic sancto populos quoque Junctos fœdere continet, Hic et conjugii sacrum Castis nectit amoribus, Hic fidis etiam sua Dictat jura sodalibus. O felix hominum genus, Si vestros animos amor, Quo cælum regitur, regat. (_Boeth._, lib. ii. met. 8.) Love, that of erth and se hath governaunce! Love, that his hestes hath in hevene hye! Love, that with an holsom alliaunce Halt peples joyned, as hym liste hem gye! Love, that knetteth law and compaignye, And couples doth in vertu for to dwelle! (_Troylus & Cryseyde_, st. 243, vol. iv. p. 296.) That, that the world with faith, which that is stable Dyverseth so, his stoundes concordynge;-- That elementz, that ben so discordable, Holden a bond, perpetualy durynge;-- That Phebus mot his rosy carte forth brynge, And that the mone hath lordschip overe the nyghte;-- Al this doth Love, ay heryed be his myght!
That, that the se, that gredy is to flowen, Constreyneth to a certeyn ende so Hise flodes, that so fiersly they ne growen To drenchen erth and alle for everemo; And if that Love aught lete his brydel go, Al that now loveth asonder sholde lepe, And lost were al that Love halt now to kepe. (_Ibid._ st. 244, 245.) IV. MUTABILITY DIRECTED AND LIMITED BY AN IMMUTABLE AND DIVINE INTELLIGENCE. That same prynce and moevere eek, quod he, Hath stabled, in this wrecched world adoun, Certeyn dayes and duracioun To alle that er engendrid in this place, Over the whiche day they may nat pace, Al mowe they yit wel here dayes abregge; . . . . . . . . . . . . . . Than may men wel by this ordre discerne That thilke moevere stabul is and eterne. . . . . . . . . . . . . . . And therfore of his wyse purveaunce He hath so wel biset his ordenaunce, That spices of thinges and progressiouns Schullen endure by successiouns And nat eterne be, withoute any lye. (_Knightes Tale_, vol. ii. p. 92, 93.) Þe engendrynge of alle þinges quod she and alle þe progressiouns of muuable nature. and alle þat moeueþ in any manere takiþ hys causes. hys ordre. and hys formes. of þe stablenesse of þe deuyne þouȝt [and thilke deuyne thowht] þat is yset and put in þe toure. þat is to seyne in þe heyȝt of þe simplicite of god. stablisiþ many manere gyses to þinges þat ben to don.
(_Chaucer’s Boethius_, bk. iv. pr. 6, p. 134.) V. THE PART IS DERIVED FROM THE WHOLE, THE IMPERFECT FROM THE PERFECT. Wel may men knowe, but it be a fool, That every partye dyryveth from his hool. For nature hath nat take his bygynnyng Of no partye ne cantel of a thing, But of a thing that parfyt is and stable, Descendyng so, til it be corumpable. (_Knightes Tale_, vol. ii. p. 92.) For al þing þat is cleped inperfit . is proued inperfit by þe amenusynge of perfeccioun . or of þing þat is perfit . and her-of comeþ it . þat in euery þing general . yif þat . þat men seen any þing þat is inperfit . certys in þilke general þer mot ben somme þing þat is perfit. For yif so be þat perfeccioun is don awey . men may nat þinke nor seye fro whennes þilke þing is þat is cleped inperfit . For þe nature of þinges ne token nat her bygynnyng of þinges amenused and inperfit . but it procediþ of þingus þat ben al hool . and absolut . and descendeþ so doune in-to outerest þinges and in-to þingus empty and wiþ-oute fruyt . but as I haue shewed a litel her byforne . þat yif þer be a blisfulnesse þat be frele and vein and inperfit . þer may no man doute . þat þer nys som blisfulnesse þat is sad stedfast and perfit.’
(_Chaucer’s Boethius_, p. 55.) Ora non tinxit lacrymis, sed esse Censor extincti potuit decoris. (_Boethius_, lib. ii. met. 6.) In ‘Troylus and Cryseyde’ we find the following long passage taken from Boethius, book v. prose 2, 3. (1) Syn God seth every thynge, out of doutaunce, And hem disponeth, thorugh his ordinaunce, In hire merites sothely for to be, As they shul comen by predesteyné (2) For som men seyn if God seth al byforne, Ne God may not deseyved ben pardé! Than moot it fallen, theigh men hadde it sworne, That purveyaunce hath seyn befor to be, Wherfor I seye, that, from eterne, if he Hathe wiste byforn our thought ek as oure dede, We have no fre choys, as thise clerkes rede. (3) For other thoughte, nor other dede also, Myghte nevere ben, but swich as purveyaunce, Which may nat ben deceyved nevere moo, Hath feled byforne, withouten ignoraunce; For if ther myghte ben a variaunce, To wrythen out fro Goddes purveyinge, Ther nere no prescience of thynge comynge; (4) But it were rather an opinyon Uncertein, and no stedfast forseynge; And certes that were an abusyon That God shold han no parfit clere wetynge, More than we men, that han douteous wenynge, But swich an erroure upon God to gesse Were fals, and foule, and wikked corsednesse.
(11) I sey, that if the opinion of the Be soth for that he sit, than seye I this, That he moot sitten by necessité; And thus necessité in either is, For in hym nede of sittynge is, ywis, And in the, nede of soth; and thus forsoth Ther mot necessité ben in yow bothe. (12) But thow maist seyne, the man sit nat therfore, That thyn opinioun of his sittynge sothe is; But rather, for the man sat there byfore, Therfor is thyn opinioun soth, ywys; And I seye, though the cause of soth of this Cometh of his sittynge, yet necessité Is interchaunged both in hym and the. (13) Thus in the same wyse, out of doutaunce, I may wel maken, as it semeth me, My resonynge of Goddes purveiaunce, And of the thynges that to comen be; . . . (14) For although that for thynge shal come, ywys, Therfor it is purveyed certeynly, Nat that it cometh for it purveied is; Yet, natheles, bihoveth it nedfully, That thynge to come be purveied trewly; Or elles thynges that purveied be. That they bitiden by necessité.
Text from Project Gutenberg, public domain in the United States.